Ecc 4 | Ndebele | STEP | Mina ngasengiphenduka ngabona incindezelo zonke ezenziwa ngaphansi kwelanga ; khangela-ke inyembezi zabacindezelweyo, njalo babengelamduduzi ; lehlangothini lwababacindezelayo kwakulamandla, kodwa babengelamduduzi .

Ecclesiastes 4

1 Mina ngasengiphenduka ^a ngabona incindezelo zonke ezenziwa ngaphansi kwelanga ^b; khangela-ke inyembezi zabacindezelweyo, njalo babengelamduduzi ^c; lehlangothini lwababacindezelayo kwakulamandla, kodwa babengelamduduzi ^d. 2 Ngakho ngancoma abafileyo ^e, abavele sebefile, okwedlula abaphilayo ^f, abalokhu besaphila ^g. 3 Yebo ungcono kulabo bobabili, ongakabi khona ^{h
,} ⁱ, ongabonanga umsebenzi omubi owenziwa ngaphansi kwelanga ^j.

4 Ngasengibona mina wonke umtshikatshika lempumelelo yonke yomsebenzi, ngoba lokhu kungumhawu womuntu ovela kumakhelwane wakhe ^k. Lokhu lakho kuyize lokukhathazeka komoya ^l. 5 Isiphukuphuku sigoqa izandla zaso ^m sidle inyama yaso ⁿ. 6 Singcono isandla ^o esigcwele ukuthula ^p kulezandla ezimbili ezigcwele ukutshikatshika lokukhathazeka komoya ^q.

7 Mina ngasengiphenduka ngabona ize ngaphansi kwelanga ^r. 8 Kukhona oyedwa, njalo kakho owesibili, yebo kalamntwana kumbe umfowabo, njalo kakulakuphela komtshikatshika wakhe wonke, lelihlo lakhe kalisuthiswa yinotho ^s, njalo katsho ukuthi ^t: Ngitshikatshikela bani, ngenze umphefumulo wami uswele okuhle ^u? Lokhu lakho kuyize, yebo, kungumsebenzi omubi ^v. 9 Ababili bangcono kuloyedwa, ngoba balomvuzo omuhle ngokutshikatshika kwabo. 10 Ngoba uba besiwa omunye uzamvusa umngane wakhe; kodwa maye kuye oyedwa nxa esiwa, ngoba kungekho owesibili ongamvusa ^w. 11 Futhi uba ababili belala ndawonye, ngakho balokukhudumala; kodwa ngoyedwa angakhudumala njani ^x? 12 Njalo uba omunye engehlula oyedwa, ababili bazamelana laye ^y; lentambo elemicu emithathu kayiqanyulwa masinyane ^z.

13 Umfana ongumyanga ohlakaniphileyo ^aa ungcono ^ab kulenkosi endala eyisithutha ^ac engasakwazi ukwelulekwa ^ad. 14 Ngoba ^ae uyaphuma entolongweni ukuthi abe yinkosi ^af, lanxa futhi owayezelwe embusweni wakhe esiba ngumyanga ^ag. 15 Ngabona bonke abaphilayo abahamba ngaphansi kwelanga, lomfana wesibili ozakuma esikhundleni sakhe ^ah. 16 Kakulasiphetho sabantu bonke, sabo bonke ababephambi kwabo, lalabo abeza emva kabayikuthokoza ngaye ^ai. Isibili lokhu lakho kuyize lokukhathazeka komoya ^aj.